Posibleng mosulod sa Philippine Area of Responsibility ang Typhoon Saudel tali Lunes ug Miyerkules sa sunod semana, sumala sa PAGASA.
Namatikdan ang bagyo mga 2,725 kilometros silangan sa Southeastern Luzon ug nagalihok paingong northwest sa gikusgon nga 25 kilometers per hour.
Matod pa sa PAGASA, adunay maximum sustained winds nga 130 kilometers per hour ug pagbugso nga moabot sa 160 kilometers per hour.
Dugang pa, kung mosulod sa PAR, hatagan kini sa lokal nga ngalan nga “Obet” ug mahimong ika-15 tropical cyclone nga mosulod sa PAR karong tuiga.
Lakip sa posible nga epekto sa Saudel ang pagpalig-on sa Habagat bisan wala kini gilauman nga direktang moigo sa nasod.
Sa pagkakaron, ginabantayan usab ang kanhing Bagyong Neneng nga nahimong LPA ug laing tropical depression sa gawas sa PAR.
Gilauman usab ang padayong ulan ug thunderstorms sa pipila ka bahin sa Northern ug Central Luzon tungod sa gipalig-on nga Habagat.
