Nahimong tensiyonado ang House Committee on Appropriations, labot sa mosyon ni Rep. Rodante Marcoleta nga tapuson na ang diskusyon sa proposed 2025 budget sa Office of the Vice President.
Nahibulong si Marcoleta gumikan karun lamang matud pa kini nahitabo sulod sa pila ka administrasyon na ang nanglabay ang kabahin sa bisan unsa na lamang ang ginapangutana ngadto sa Office of the Vice President.
Dugang pa niini nga dili matud pa isalikway ang naandan nga tradition mao ang pagtahod sa opisina sa bise presidente kay sa ginapakita sumala pa niini, daw wala na kini nagahatag ug respeto ngadto sa OVP.
Gani, wala nalikayan nga itandi ang propose budget hearing sa Office of the President nga 15 ka minutos lamang, aprobado na.
Gikanayon sab ni Marcoleta ngadto atubangan sa mga kongresista nga kung dili sila ganahan sa presensya ni VP Sara Duterte, kinahanglan gihapon nilang respetuhon ang opisina niini.
Kahinumdumang nagpahibalo ang OVP nga di mutambong ang bise presidente gahapong adlawa sa gipahigayong budget hearing sa House of Representatives.Samtang, kasohan matud pa si VP Sara Duterte og graft sa higayon nga dili niini madepensahan og giunsa niini paggasto ang P73-M nga confidential fund.
