Gibutyag sa usa ka magbabalaod nga gisulayan mismo sa buhatan ni Vice President Sara Duterte nga pugngan ang Commission on Audit (COA) nga masubmitar sa kongreso ang audit report nga nagpakita ug sayop nga pagamit sa OVP confidential funds niadtong 2021.
Gipahayag ni Batangas Rep. Gerville Luistro, ang nahisgutang pagsulay sa Office of the Vice President (OVP) ang katugbang sa pagwagtang sa right to public information.
Gipahayag pa sa magbabalaod nga ang pagamit sa confidential funds ang dili makalingkawas sa oversight ug mamahimo kining imbestigahan aron masayran kung paunsa kini gigasto.
Nasayran nga niadtong Agusto 21, 2024 o unom ka adlaw una gidungog sa House Committee on Appropriations ang OVP budget, nagpadala ug sulat si DepEd Undersecretary ug Chief of Staff, Atty. Zuleika Lopez sa COA batok sa pagsubmitar sa mga dokumento alang sa notice of disallowance ug audit sa OVP ug sa Department of Education sa confidential funds niini.
Matod pa sa OVP, ang pagpagawas ug audit reports ang pagsupak sa Constitutional Principle sa Separation powers ug gikanayon pa niini ang right to due process sa OVP.
Apan gidayeg ni Rep. Luistro ang COA nga gihimo niini ang katungdanan sa nasud ilabi na sa aspetong transparency.
Sa nahisgutang COA report, gipabalik sa OVP ang P73 million sa P125 million nga nagasto niini sa confidential funds nga nahurot sa pagasto sulod lamang sa onse ka adlaw niadtong Disyembre 2022.
