Nag-isyu ug freeze order ang Court of Appeals batok sa bank accounts ug kabtangan ni Kingdom of Jesus Christ (KOJC) founder Apollo Quiboloy ug siyam ka mga kaubanan niini.
Sa 48 ka panid nga resolusyon, giisyuhan sa appellate court ug freeze order ang napulo ka mga bank accounts sa pastor, lakip ang pito niini ka mga real properties, lima ka mga sakyanan ug usa ka eroplano.
Ingon man ang mga bank account sa KOJC ug Swara Sug Media Corporation nga nag-operate sa Sonshine Media Network International (SMNI), ang media arm sa KOJC.
Subay sa pamahayag sa korte, nakakaplag kini ug resonableng basehanan matuohan nga ang bank accounts ni Quiboloy ang nadawit sa dili lehitimong mga aktibidad ug mga krimen sama sa qualified human trafficking, sexual ug child abuse, sex trafficking of children, fraud, conspiracy, marriage fraud, smuggling, money laundering, ug uban pa.
Gilayon sab nga mahimong epektibo ang freeze order ug molungtad kini sa baynte ka adlaw.
Samtang sa bahin sa sa SMNI, gikanayon sa abogado niini nga si Atty. Mark Tolentino nga bisan ug girespeto nila ang desisyon sa korte, magduso gihapon kini ug mosyon abatok niini.
