Nangayo ug pasayo si Angelica Yulo, ang inahan sa two-time Olympic gold medalist nga si Carlos Yulo, atol sa gipahigayon nga press conference sa usa ka hotel sa Maynila kaganihang buntag.
Subay sa sulat pamahayag nga giandam niini, sa unang bahin sa pamahayag nga nagkanayon “Patawad, anak. Naiintindihan ko na maaaring tingnan ng iba na kaya lamang ako nagsasalita ngayon ay dahil sa iyong tagumpay at kasaganaan,”.
Gidugang pa sa nahisgutan nga iyahang gihimo ang pagpaguwa ug pamahayag aron nga ibutang na sa hilom ang maong problema.
Abri sumala pa ang purtahan aron nga ilahang pagahisgutan nga walay kaligutgot sa matag-usa.
Dili man kini maglaom nga moresulta sa pagkabuo sa pamilya apan ipanghinaot niini nga magpabilin ang respeto sa sa matag-usa ingon man ang dignidad sa pamilya.
Bag-uhay lamang, nagpaguwa ug pahayag si Caloy pinaagi sa video nga kauban niini ang iyahang uyab nga si Cloe ug gipasabot niini ang kabahin sa maong isyu nga mahitungod sa kwarta nga insitibo kaniadto nga naaa sa iyahang inahan.
Apan giklaro sa nahisgutan nga labaw pa ang maong kantidad nga gihuptan sa iyahang inahan nga wala niini nadawat.
Una ng gipasabot sa inahan nga ang nadawat niinig mga kwarta kaniadto sa iyahang mga kadaugan ang gigamit sa pagtukod ug balay aron nga adunay handumanan sa ilahang kadaugan.
Samtang wala usab niini gikalimod nga adunay gamay lamang nga kantidad ang ilahang nagamit isip mga ginikanan ni Caloy.
Usa usab sa mga isyu ang kabahin sa uya niini nga si Cloe San Jose nga gipklaro sa inahan nga naglantaw lamang siya sa kaugmaon sa iyahang anak.
Atol sa gihimong press conferrence, giubanan si Mrs. Yulo sa usa sa mga bantugan nga abogado nga si Atty. Raymund Fortun ug gipaklaro niini nga iyahang gitanyag ang iyang legal service kang Mrs. Yulo nga “pro bono” kon walay bayad tungod siya usab ang nakasinati ug hilabihang pagpam-bully sa social media pipila ka tuig na ang nakalabay.
