DAVAO CITY- “We will have to wait and see” kini ang usa sa mga gipamulong ni Mayor Sebastian “Baste” Duterte kabahin sa pagdumala ni Col.Hansel Marantan isip Acting DCPO Director sa Davao City Police Office.
Atol sa iyahang State of the City Adress karong hapon sa Rizal Park, gikanayon sa Mayor nga hulaton niini ang amamahimon epekto sa iyahang pagdumala tungod nagtuo ang mayor sa sumala pa baga nga pulitika ning kasamtangang sitwasyon, apan hatagan gihapon niini ug tsansa ang opisyal sa pagdumala sa syudad bisan paman sa mga panghitabo nga gikakurat niini ug sa mga katawhan sa dakbayan.
Una ng nag-courtesy call ang bag-ong hepe sa DCPO kang Mayor Baste.
Ang gusto lamang sumala pa niini nga mamintina ang status quo dinhi sa syudad, sa pagkakaron giangkon sa nahisgutan nga wala’y nakita kining problema sa peace and order sa dakbayan sa iyahang pagdumala.
Nasayran nga atol sa iyahang SOCA, wala makatambong ang City Director sanglit atoa kini sa dakbayan sa Cebu alang sa pagadawaton niini nga pasidungog sumala pa sa tigpamaba sa DCPO.
Kahinumduman nga sa nakalabay nga bulan nahimong kontrobersyal ang pagbutang kang Marantan sa pwesto gumikan ikatulo kini nga gibutang sa pwesto sulod lamang sa usa ka adlaw nga sumala pa sa Mayor wala muagi sa iyahang buhatan.
