-- ADVERTISEMENT --
DAVAO CITY- Subling nakatilaw ug pagsaway ang DPWH gikan kang Mayor Sebastian “Baste” Duterte atol sa iyahang SOCA karong hapon sa Rizal Park ning dakbayan sa Davao.
Sumala pa sa Mayor nga nagsayang-sayang lamang sa kwarta sa katwahan ang nasampit nga ahensya gumikan sa pagbakbak sa kadalan nga bisan ug maayu pa aron sementuhon ug balik.
Usa sa mga gihimong ihemplo niini ang usa sa mga kadalanan sa Brgy.Mintal nga kanunay sumala pa niining maagi-an nga giguba bisan ug maayu pa ang dalan.
Tungod niini, iyaha karon nga gilaraw ngadto sa DPWH nga magbuhat sila ug listahan sa mga daot nga kadalanan dinhi sa syudad nga angayang hatagan sa pagtagad ug naara sumala pa sa ahensya ang pagpili kung asa ang ilahang unahon niini.
