Gibutyag sa Bureau of Immigration (BI) ang malampuson nga deportasyon sa usa ka batch sa mga Chinese nga kanhi ng nadakpan tungod sa ilegal nga pagtrabaho sa nasud.
Nasayran nga gipa-deport sa BI ang kinatibuk-an nga 27 ka mga Chinese nationals niadtong Agosto uno nga sakay sa flight nga padulong Shanghai, China.
Niadtong unang mga adlaw, plano sa BI nga i-deport ang 33 ka mga langyaw, apan unom ang wala nakasakay sa flight gumikan wala kini makakuha ug clearance gikan sa National Bureau of Investigation (NBI) u alang sa uban pang naka-ong-ong ga kaso sa Pilipinas.
Giklaro ni BI Commissioner Norman Tansingco nga kinahanglan nga resolbahon sa unom ka mga indibidwal ang ilahang mga nakaong-ong nga kaso sa Pilipinas ug mokuha sa mga clearance ayha mapatuman ang ilahang deportasyon.
Ang mga na-deport nga Chinese national ang kabahin sa mga unang gipangdakop sa Presidential Anti-Organized Crime Commission (PAOCC) sa managlahing operasyon sa Las Piñas, Pasay, ug Tarlac.
Kini nga mga operasyon ang nakatumbok sa mga ilegal nga aktibidad sa online gaming ug nagresulta sa pagkasikop sa daghang mga trabahante nga langyaw nga napamatud-an nga misupak sa mga balaod sa Philippine Immigration Law.
Gihatagan sab ug pagtagad ni Tansingco ang saad sa BI sa pagtubag sa ilegal nga trabaho ug aktibidad sa mga langyaw sa nasud.
