Magdungag og lima ka bag-ong pantalan nga proyekto ang Philippine Ports Authority (PPA) atol sa ilahang ika-50 nga tuig.
Sa tuig 2023, nakabuhat og kasaysayan ang PPA diin mao kini ang ikaupat nga GOCC contributor matag tuig nga adunay pinakataas nga dividend remittance nga Php 5.06 bilyon nga nakatabang gayud sa paglambo sa ekonomiya.
Sukad sa pagmugna sa PPA niadtong tuig 1974, ang maong ahensya na ang responsable alang sa planning, development ug managements sa mga pantalan.
Kini ang nagpabilin sa ilahang commitment nga makahatag og episyente, moderno ug sustainable nga infrastructure projects nga mga pantalan nga maoy mosuporta sa national development and global connectivity.
Ang maong lima ka bag-ong proyekto mao ang Law Enforcement Building sa Pantalan sa Curimao, Ilocos Norte, K-9 Academy sa Mabalacat, Pampanga; Expansion sa Balanacan Port Project sa Mogpog, Marinduque; Tubigon Port Passenger Terminal Building sa Bohol ug ang Cruise Ship Port sa Jubang sa Dapa, Surigao Del Norte.
