Gikabutyag nga mosobra na sa 18 million ka mga estudyante ang nagpa-enroll sa School Year (SY) 2024-2025, subay sa gipagawas nga datos sa Department of Education (DepEd).
Sa Enrollment Monitoring Report for SY 2024-2025 by the Planning Service – Education Management Information System, ang ihap sa mga enrollees sa formal ug non-formal education ang mi-abot sa 18,370,310.
Makita sa bag-ong datos gikan sa DepEd nga adunay 16,005,291 ka mga estudyante ang nag-enroll sa public schools ug 2,149,361 ka mga estudyante usab sa pribadong tulunghaan.
Ang enrollment sa State Universities and Colleges (SUCs) ug Local Universities and Colleges (LUCs) nga nagtanyag ug basic education ang adunay kinatibuk-ang 22,940.
Samtang ang Alternative Learning System (ALS) sa kasamtangan ang adunay mukabat sa 192,718 enrollees.
Makita usab sa datos sa DepEd nga ang Elementary level ang adunay pinakataas nga ihap sa enrollment sa tanang sektor ug mosobra kini sa sa 10 milyon kung diin sa nahisgutang ihap, mosobra sa 9 milyon ang elementary learners nga nag-enroll sa public schools, 681,610 sa private schools ug mukabat sa 2,466 sa SUCs ug LUCs.
Samtang Junior High School (JHS) o Grades 7 hangtod 10 ang adunay kinatibuk-ang 5,577,674 enrollees.
Sa nahisgutang ihap, 4,866,674 ang naka-enroll sa pangpublikong tulunghaan, 698,393 usab sa pribadong tulunghaan ug 12,307 sa mga SUCs ug LUCs.
Ang Senior High School (SHS) o Grades 11 ug 12 ang adunay kinabuk-ang enrollment nga 2,598,529 adunay 1,821,004 ka sa mga estudyante sa pangpublikong tulunghaan, 769,358 sa pribadong tulunghaan ug 8,167 sa SUCs ug LUCs.
Sa kinatibuk-ang rehiyon, makita sa datos sa DepEd nga ang Calabarzon mao ang nagbaton ug pinakataas nga ihap sa mga enrollees nga anaa sa 2,811,458 ug gisundan kini sa Central Luzon nga anaa sa 2,151,764 ug National Capital Region nga anaa sa 1,960,210.
