Taas nga ihap sa mga kabus nga senior citizens nga nakadawat og social pension, gipasigarbo sa DSWD

Gipasigarbo sa Department of Social Welfare and Development (DSWD) ang taas nga ihap sa mga kabus nga senior citizens nga nakabenepisyo sa mas taas nga social pension karong 2024.

Sa unang bahin sa tuig 2024, moabot ngadto sa 3.7 milyones ka mga kabus nga senior ang nakabenepisyo niini nga programa diin nakadawat sila og pension nga adunay kinatibuk-ang kantidad nga P21.8 bilyones.

Ang dakong pundo tungod usab sa ilang mas taas nga pension nga nadoble karong tuiga.

Kahinumduman nga sa miaging binuwan nga pension nga P500 nga nadawat sa mga edaran nahimo na kining P1,000 karong panahuna.