DAVAO REGION- Padayon gihapon nga makasinati ang dakbayan sa Davao ug ubang dapit sa Davao Region ug mga pag-ulan gumikan gihapon sa epekto sa Localized Thunderstorms tungod sa mipatigbabaw nga Low Presure Area.
Posible ang mga pagbaha ug pagadahili sa yuta nga masinati-an sa mga lugar nga maapektuhan sa mga pag-ulan.
Hinay ngadto sa Kasarangan nga huyop sa hangin nga magagikan sa Habagatang bahin ngadto sa Habagatang Kasadpan nga direksyon ang mopasulabi dinhi sa rehiyon.
Nagpahimangno sab ang hingtungdan ahensya sa mga pagpangilat ug pagpanalugdog nga hatod sa Localized Thunderstorms.
Sa ulahing weather bulletin sa state weather Bureau ang Low Pressure Area (LPA) ang gibana-banaa nga anaa sa bisinidad sa Catbalogan City,Samar.
Padayon sab kining ginamonitor sa hingtungdan nga ahensya karong panahuna.
