Gihimakak sa Iran ang pasangil kalabot sa gina-andam matud pa nila nga assassination plot batok kay kanhing US President Donald Trump.
Sumala sa Permanent Mission of the Islamic Republic of Iran to the United Nations nga wala matud pay sumbanan ug malisyoso ang maong nga pasangil.
Base sa opisyal nga state-run news agency sa Iran nga Islamic Republic News Agency, ginakonsidera sa Iran si Trump isip usa ka kriminal nga kinahanglan kasuhan ug silotan sa korte tungod sa pagmando niini i-assassinate ang Iranian Military General nga si Qasem Soleimani niadtong Enero 2020.
Gawas pa niana, gipili matud pa sa Iran ang legal nga paagi aron dalhon sa hustisya si Trump.
Naggikan ang gikatahong assassination plot sa Iran batok kay Trump human makadawat og intelligence ang US authorities gikan sa usa ka source sa milabayng semana.
Miresulta usab kini sa pagpaigmat pa sa Secret Service sa seguridad sa kanhing Pangulo.
