Muapil ang grupo sa mga mananagat ug coastal residents gikan sa Zambales, Manila bay ug Laguna de Bay sa ikasa nga multisectoral “People’s SONA” atol sa ikatulo nga State of the Nation Address kon SONA ni Pangulong Ferdinand Marcos Jr.
Sa usa ka statement, nagkanayon ang grrupo nga Pambansang Lakas ng Kilusang Mamamalakaya ng Pilipinas kon PAMALAKAYA nga ilahang hatagab og gimbug-aton sa People’s SONA protest ang mga isyu sa ekonomiya nga direkta nga nakapaekto sa sektor sa mananagat sa nasud.
Lakip sa maong mga isyu ang pagka-displace sa mga pamilya nga nagapuyo duol sa mga baybayon tungod sa reclamation ug gredging activities sa Manila Bay, ang bahad sa floating solar power project sa mga mananagat sa Laguna de Bay ug ang pagpalig-on sa foreign military interventions sa West PH Sea.
Sumala kay PAMALAKAYA Vice Chairperson Ronnel Arambulo, hangtod karon nagpabiling pinakakabos nga sektos ang mga mananagat luyo sa halapad nga kadagatan ug abunda nga marine resources sa Pilipinas.
Matud pa nga napasagdan sa gobyerno nga tubagon ang mga hisgutan aron ma-ampingan ang mga pangisdaan batok sa makadaot nga proyekto sama sa reclamation sa Manila Bay.
Gikatakda usab nga magmugna og State of the Peasants Address kon SOPA ang mga grupo sa mananagat kauban ang peasan organization nga Kilusang Magbubukid ng Pilipinas (KMP), Unyon ng mga Manggagawa sa Agrikultura (UMA), Amihan Federation of Peasant Women, ug Anakpawis aron hisgutan ang sitwasyon sa rural sectors sa nasud ayha pa man ang gikatakdang SONA ni PBBM sa adlaw nga lunes, Hulyo 22, 2024.
