Nagpaguwa og pamahayag si Kanhi Pangulo Rodrigo Duterte kalabot sa nahimong pagpusil kang Ex-US President Donald Trump samtang namulong kini sa usa ka rally sa Butler, Pennsylvania, kagahapon.
Kalakip ang nahisgutang kanhi opisyal sa nasud sa mga nikondena sa gikanayong pag-atake kang Trump.
Sa gipaguwa nga mensahe ni Duterte, gikanayon niining dili gayud malikayan nga malambigit ang maong insidente sa hisgutanang eleksyon hilabi pa nga upat na lamang kabulan, tingpiniliay na sa US nga mao usab ang gikanayon ni Joel Inocencio, Bombo International Correspondent sa New York.
Sumala pa niini nga kadaghanan sa mga residente sa nasampit nga lugar ang nagatoo nga aduna kini kalabutan sa politika butang nga padayon pang gina-imbestigahan ning kasamtangan.
Sa karon, ang labing ginapanghinaot na lamang ni Kanhi Pangulo Rodrigo Duterte mao ang kaayohan ni Trump uban ang panghinaot nga kung kinsa man ang madaog atol sa eleksyon, makahatag kini og kaayohan sa nasud Pilipinas.
