DAVAO ORIENTAL – Igo na lamang sa pagbangutan ang kabanay sa mga biktima sa nahitabong sunog sa Purok Uno, Sampaguita, Brgy. Tibanban Governor Generoso Davao Oriental nga nahitabo niadtong miaging kaadlawon.
Ang mga biktima giila nga sila Analen Estillore Ongcoy (inahan) 52 anyos ug Liza Mae Ongcoy 18 anyos nga nakaplagan na lamang nga anaa sa ilahang kwarto nga natanggong atol sa pag-ulbo sa kalayo.
Ang mag-inahan posibli nga wala nabantayi ang pagsilaob sa kalayo pasado ala-una ang takna sa kaadlawon nga milamoy sa duha ka mga panimalay. Una ng gikabutyag sa mga residente nga sa wala nahiatabo ang sunog adunay nahitabo nga power interruption sa maong lugar nga kabahin sab kini sa giimbistigahan.
Nasayran nga adunay boarders ang mga biktima sa ilahang panimalay nga nakalingkawas atol sa maong panghitabo human nga nakaambak kini sa bentana.
Ang duha ka mga panimalay nga totally damage gipanag-iyahan sa mga biktima ug sa ilahang silingan nga pamilyang Amigo.
Gumikan sa nahitabo nga sunog, totally damage ang naangkon sa panimalay sa mga biktima nga kongkreto ug ang uban adunay mga light materials. Sa pagkakaron, wala pay gipagawas nga resulta sa imbstigasyon ang BFP Gov.Gen.gumikan sa maong panhitabo.
