Nagkanayon ang Philippine Ports Authority kon PPA nga ilaha ng ginalaumang muabot sa 103,899 ang ihap sa mga pasahero sa mga barko ning tuig 2024.
Matud pa ni PPA General Manager Jay Santiago nga niadtong tuig 2023, sa kinatibuk-an adunay 91 ka cruise ship ang natala nga nakapasakay og pasahero nga anaa sa 90,000 katawo.
Sumala pa ni Santiago nga gikan Enero hangtod Mayo ning tuiga, miabot na ngadto sa 65 diin nakapasakay kini og anaa sa 58,648 ka mga pasahero nga nagabisita sa nasud.
Dugang pa niini nga sa maong ihap, kasagaran sa mga pasahero ang naggikan sa Europe ug Hong Kong.
Sumala pa sa PPA nga ang kahumanan sa cruise ship port sa Port of Juban sa Munisipalidad sa Dapa, Surigao del Norte ang ginalaumang makapakusog sa maritime connectivity ug econimc growth sa Siargao Island ug sa tibuok probinsya.
Matud pa sa PPA nga aduna usab silay mga ongoing nga cruise terminal projects sa Camiguin, Boracay, Coron sa Palawan ug sa Puerto Galera.
Saad pa usab ni Santiago nga ilaha pang palambuon ang serbisyo sa tanang cruise ports aron malikayan ang ‘cruise chaos’ nga nahitabo sa Port of Manila niadtong 2023.
