Nagpadayag ug paglaum ang United Private Hospital Unions of the Philippines (UPHUP) nga dili lamang “lip service” ang plano sa Department of Health (DOH) nga tarungon ang unpaid health emergency allowance (HEA).
Gipahayag ni UPHUP spokesperson Richie Ronald Ignacio, nasurpresa sila sa pagpahibalo ni Health Secretary Ted Herbosa mahitungod sa planong pagahin ug P27 bilyon karong tuiga alang sa allowance sa health workers.
Dugang pa niini, usa kini ka “welcome development” sa healthcare workers ilabi na sa mga pribadong hospital. Naglaum ang healthcare workers sa pagahin ug P27 bilyon gikan sa mga ahensya sa gobyerno.
Gipahayag pa sa nahisgutan nga posibleng may kalabutan kini sa State of Nation Address (SONA) ug sa nagkaduol nga eleksyon.
Kung kahinumduman gipahayag sa health secretary magpagawas ang gobyerno ug P27 bilyon aron mabayaran ang COVID allowances sa health workers sa tibuok nasud hangtod sa pagtapos ning tuig 2024.
