DAVAO REGION- Gihatagan gimbug-aton sa political analyst ang kamahinungdanon sa lalom nga evaluation sa K12 curriculum.
Sumala pa ni Political Analyst Ramon Beleno III, adunay mga maayong nahatag ang maong curriculum sa laraw nga mahimong globally competiive ang mga estudyante susama sa mga estudyante sa ubang kanasuran busa dili kini uyon nga dayon kining tanggalon.
Matud pa niini nga dili solusyon ang pagtanggal sa K12, apan mas maayong pagatun-an pa kini og maayo kung nakab-ot ba ang tumong sa maong programa.
Sumala pa ni Beleno, gikinahanglan karon ang coordination sa Department of Eduation (DepEd) ug Commission on Higher Education (CHED) aron makamugna og mga pamaagi sa pagpalambo pa sa maong curriculum.
Nahimong pananglitan sa nahisgutan ang kamahinungdanon sa pagtudlo og values sa lower years inay sa pagtudlo og Math, depende sa mahimong resulta sa ilang assessment ug evaluation.
Hinoon, malaumon si Beleno nga mapalambo pa sa nasud ang dagan sa edukasyon pinaagi sa masusing pagtoon.
