Gibulgar sa National Bureau of Investigation (NBI) nga adunay ikatulo nga Alice Guo nga nag-apply ug NBI clerance sa syudad sa Quezon niadtong 2005.
Sa usa ka press conference kaganihang buntag kabahin sa kaso ni suspended Bamban Mayor Alice Guo, gikanayon ni NBI Director Jaime Santiago nga sa ilahang pagsuta sa lugar kung diin nagpuyo ang nasampit nga indibidwal nga nakatala sa iyahang rekord, wala nag-exist sumala ang nasampit nga Alice Guo.
Sa karon, ginasubay pa sa mga awtoridad ang dugang detalye kabahin sa pagkatawo niini aron nga matumbok ang ikatulo nga Alice Guo.
Samtang, gikatakda sab nga ipaguwa sa NBI ang resulta sa fingerprints examination sa indibidwal nga adunay susama ug pangalan kang Guo nga kasamtangan nga giimbestigahan tungod sa kwestyonable niining pagkatao.
