DAVAO DEL NORTE- Giawhag sa Department of Trade and Industry-Davao del Norte ang publiko sa pagtambog ug pagsalmot sa Micro Small to Medium Enterprises week: Produktong DavNor, Ato ni Buy! Trade Expo karong umalabot nga Hulyo 17-21, ning tuig kasamtangan.
Sumala pa ni Kareen Casing, DTI personnel, nga ang maong selebrasyon subay sa Republic Act 9501 nga nagtumong sa pagpalambo sa kahibalo sa mga MSME pinaagi sa paghatag og dugang nga oportunidad sa pagpalambo pa sa ilang mga produkto diin usa ka pamaagi sa buhatan aron sa pagpasalamat ug pagbalik sa dako niining kontribusyon sa ekonomiya, lakip na ang pagmugna og trabaho sa komunidad ug pagpaluyo sa mga produkto ug serbisyo nga gikinahanglan sa katawhan.
Ipahigayon ang maong selebrasyon sa Atrium, Eastwing, Gaisano Mal of Tagum diin nagkadaiyang mga aktibidades ang ipangtanyag uban ang mga temang innovation and elevation, susama na lamang sa pagtudlo og mga bag-ong kahibalo ug pamaagi aron mahimong competitive gamit ang teknolohiya nga nakasubay sa angay nga panginahanglan sa mga konsyumante sa merkado.
Samtang, tumong usab sa maong selebrasyon ang pagpadako pa sa negosyo sa mga MSME uban ang pagseguro nga molungtad kini sa dugay nga panahon.
Highlight sab sa event ang coffee festival diin nagkadaiyang competitions and activities ang ipahigayon.
