2 mananagat, nabuthan og makina sa ilang bangka sa Bajo de Masinloc, angol!

Gikabutyag nga duha ka mga Pinoy nga mananagat ang nanga-angol atol sa pagbusikad sa makina sa ilahang bangka sa Bajo de Masinloc sa Scarborough Shoal, kagahapon, Hunyo 29, 2024.

Sa paghulagway sa mga personahe sa Philippine Coast Guard, nangaguba ang motor banca nga gisakyan sa duha ka mananagat gumikan sa kalit nga pagbusikad.

Gani, duha ka mga barko sa China Coast Guard ang nakit-an sa maong lugar diin nisuway pa og babag sa ilang rescue operations bisan paman nga dunay emergency situations.

Sumala pa ni PCG Spokesperson Rear Admiral Armand Balilio, base sa pamahayag sa kapitan sa BRP Sindangan (MRRV-4407), faulty battery starter motor ang rason sa maong panghitabo.

Dali dayong gidala sa Subic Bay ang duha human sila narescue.