Daw nahimong dagat na ang pipila ka lugar sa Southern China nga kasamtangang nakasinati ug halapad nga pagbaha ug landslide nga mipatay na sa 71 ka tawo. Kini gumikan na usab sa pipila ka semana nga nasinati-ang grabe nga pag-ulan sa rehiyon gikan pa niadtong Hunyo 9 ning kasamtangan nga tuig.
Gumikan niini, nag-isyu ang National Meteorological Center sa China ug rainstorm red alert nga pinakataas nga lebel sa ikaduhang sunod nga adlaw.
Gipakusgan usab ang emergency response sa 8 ka mga probinsya sa tibuok southern China ug nagpakatag ug response team sa flood control ug disaster relief efforts homan nga milagpas na ang tubig gikan sa mga sapa ug giabrehan ang floodgates sa pipila ka reservoir nga miresultasa forced evacuation sa libo-an ka mga residente.
Nahilakip sa mga nakasinati ug grabeng pagbaha mao ang mga lugar sa Sichuan Province sa Southwest China, Chongqing Municipality sa Central China’s Hubei, Hunan Provinces ug East China’s Anhui, Jiangxi ug Zhejiang Provinces.
Sa mga probinsya sa Anhui, Jiangxi ug Hunan, mukabat sa 500 milimeters ang gitas-on sa tubig-baha samtang mukabat usab sa 740 milimeters sa Changde city sa Hunan ug Huangshan city sa Anhui.
Samtang gipahayag sa mga scientists, ang nasinati-ang kalamidad sa China ang nahitabo gumikan sa climate change apan adunay nagsulti usab nga ang nahisgutang delubyo ang nahitabo gumikan sa dili makatarunganong pagpanghilabot sa gobyerno sa China ubos ni President Xi Jinping sa mga kadagatan nga gipanag-iyahan sa mga gagmayng nasud sa ASEAN region.
