80 ka mga sundalo lakip na ang naputlan og tudlo atol sa tensiyon sa Ayungin Shoal,gipasidunggan ni PBBM

Gipasidunggan ni President Ferdinand Marcos Jr. ang 80 ka mga sundalo kalakip na si Seaman First Class Jeffrey Facundo nga naputlan og tudlo atol sa agresibong aksyon sa China Coast Guard.

Gihatagan ang nahisgutan og Order of Lapu-Lapu Rank of Kampilan karong adlawa. Samtang gihatagan usab og Order of Lapu-Lapu Kamagi nga medalya ang laing 79 ka mga sundalo.

Kahinumduman nga naputlan sa iyahang wala nga tudlo si Facundo ug nasamdan usab ang lain pa gumikan sa gibuhat sa China Coast Guard nga pagpangharas diin gipanghilabtan niini ang widescreen, communications, ug navigation equipment sa rigid hull inflatable boat sa Pilipinas kaniadtong nakalabay nga mga adlaw.