DAVAO REGION- Nanaad ang bag-ong Commander sa Naval Forces of Eastern Mindanao kon NFEM nga si Commodore Alfonsin Tumanda Jr. nga palig-onon pa niini ang kolaborasyon ngadto sa lokal nga panggamhanan sa syudad, pinaagi sa pakiglambigit sa mga lokal nga otoridad aron matubag ang bisan unsang pagsulay nga mahitabo.
Gihatagan og gimbug-aton niini ang importansya sa pagpalambo sa usa ka lig-on nga relasyon kauban ang Local Government Unit sa Davao City.
Sigon sa maong opisyal nga nasabtan niini ang importanteng papel sa syudad sa ekonomiya ug sa nasud busa nanaad kini sa iyahang serbisyo og nagkanayong makabuhat kita og mas luwas og mas lambong kaugmaon alang sa komunidad sa Dabaw.
Gipaabot ni Tumanda ang pagpasiugda og constructive dialogue ug pakigtambayayong sa 20th City Council ug mga residente sa Davao City.
Gipasiugda usab niini ang panginahanglan sa suporta ug pakigtambayayong gikan sa mga LGU ug sa komunidad aron epektibong matuman ang ilang mga katungdanan.
Nagsaad usab kini sila a pagsiguro sa seguridad sa kadagatan sa nasud, diin nagkanayon kining seryoso sila sa maong responsibilidad.
Matud pa niini nga tataw gayud ang ilahang misyon nga sa pagpatunhay sa seguridad ug soberanya sa kadagatan sa atong nasud, pagpanalipod sa atoang maritime resources, ug pagtampo sa kalinaw ug kalig-on sa atong rehiyon nga mao ang Davao Region.
via/ DMA
