Gisaway ni Philippine Coast Guard spokesperson for the West Philippine Sea Commodore Jay Tarriela ang mga politiko nga nagpakahilom sa isyu sa West Philippine Sea (WPS) apan nagsaba-saba sa pagdepensa sa pugante nga Apollo Quiboloy.
Nagpagawas sa nahisgutang pamahayag ang opisyal homan gibatikos ni Vice President Sara Duterte ug ni kanhi Pangulong Rodrigo Duterte ang kapulisan sa pagamit kuno ug excessive force sa pagronda sa mga propedad ni Quiboloy.
Dugang gipahayag sa opisyal nga walay komentaryo ang mga nahisgutan sa dihang gidagmalan ug barbaric harassment ang mga miyembro sa Philippine Coast Guard, samtang mipahigayon kini ug medical evacuation sa Ayungin shoal.
Gipahayag pa niini nga sa dihang gipalibutan sa kapulisan ang mansion sa fugitive pastor, daghan na ug estorya ang amahan ug anak ug gibatikos pa ang kapulisan sa pag-aresto sa pastor.
Nagtago-tago karon si Quiboloy gumikan sa kasong pagpangabuso, samtang ang kanhi Pangulo sa nasud nga si Rodrigo Duterte ang giakusahan ug crime against humanity sa international criminal court gumikan sa maduguong drug war nga mipatay sa libo-an ka mga sibilyan.
Nangutana usab si Commodore Tariela kung asa na nahimutang ang loyalty ug interes ni kanhi Pangulong Rodrigo Duterte ug Vice President Sara Duterte.
