Kumpirmadong patay na ang tulo ka mga overseas Filipino worker sa Kuwait human nasunog ang building nga ilang gipuy-an.
Sumala pa sa Overseas Workers Welfare Administration (OWWA), nga nagpaalim pa sa intensive care unit (ICU) sa Adan Hospital ang mga biktima nga sila si Julio Cabrera Montemayor ug Michael Dizon ug ang isa nga wala na gipanganlan pa.
Apan, ning bag-ohay lamang, kumpirmadong nakabsan na sa kinabuhi ang duha.
Gikanayon ni OWWA Administrator Arnell Ignacio nga nakig-alayon na sila sa mga opisyal sa Kuwait, samtang gipaneguro nga matubag gilayon nila ang panginahanglanon sa mga biktima nga pulos foreman ug engineer.
Kahinumduman nga 49 ka mga tawo ang nakabsan sa kinabuhi sa nasunog nga building sa Kuwait diin pulos mga langyaw nga trabahante ang biktima.
Gibana-banaan sab nga mokabat sa 2,000 ka mga tawo ang nagpuyo sa maong building.
