Giaprubahan na ni Pang. Ferdinand Marcos Jr. ang rekomendasyon sa Department of Social Welfare and Development nga tas-an ang cash grant sa mga benepisyaryo sa Pantawid Pamilyang Pilipino Program (4Ps).
Gihimo sa Pangulo ang pag apruba sa gipahigayon nga sectoral meeting kauban ang DSWD, NEDA ug uban pang hingtungdan nga ahensya sa Malakanyang .
Sa usa ka pulong, giaprubahan ni PBBM ang sugyot sa DSWD lakip ang expansion a programa kung diin ilakip na usab ang mga buntis ug nagpasusong inahan. Dungan niini, gitahasan ni Pang. Marcos ang DSWD ug NEDA nga isapinal na ang mga numero alang sa gilayon nga mapatuman ang mas taas nga 4Ps grant.
Kahinumduman nga sa naunang pulong niadtomg Pebrero kabahin sa mga reporma sa 4Ps, girekomenda sa DSWD nga dugangan ang kantidad sa 4Ps grant ug mahatagan sa cash grant ang First 1,000 Days (F1KD) ang mga bata.
Nasayran nga karon anaa pa sa adjustments sa purchasing power sa 4Ps beneficiaries mga padayon nga ginapahilhok-ang compliance sa mga kondisyon sa programa nga motubag sa problema sa malnutrisyon.
