DAVAO ORIENTAL- Naghugyaw ang mga mitambong sa Provincial Capitol Grounds atol sa pormal nga pag-abri sa probinsyal nga panggamhanan sa Padula sa Kapitolyo (Davao Oriental Games) nga nagtimaan sa pagsugod sa selebrasyon sa 57th Araw ng Davao Oriental ug First Kabilin Festival.
Gipangulohan ni Gobernador Niño Uy, ang opening ceremony gitambongan sa mga empleyado sa nagkalain-laing departamento sa probinsya ug national agencies nga gilangkuban sa walo ka clusters.
Ang lagsik nga selebrasyon nagsugod sa usa ka mabulukon nga parada ug usa ka madasigon nga Cluster Saludo diin ang matag cluster mipakita sa ilang lagsik nga mga pasundayag.
Gikalipay sa mga clusters and dagkong apremyo nga gi-award ni Gov. Uy sa mga mananaog.
Highlight sa opening ceremony mao ang lighting of the friendship flames nga nagsimbolo sa espirtu sa panaghigalaay sa kompetisyon.
Sa iyahang mensahe, gipasiugdahan ni Governor Uy ang kamahinungdanon sa mga programa sa sports nga iyang giduso sukad sa iyang paglingkod sa katungdanan.
Ang Davao Oriental Games, gidesenyo sa paghatag og kalingawan ug pagpauswag sa kahimsog sa mga empleyado nga mao ang pundasyon sa probinsya.Kabahin usab sa Padula sa Kapitolyo ang pagsugod sa Gov Niño Cup Road Games nga gidesenyo aron mapakusgan ang partisipasyon są tanang lungsod ug siyudad sa Davao Oriental.
Ang kalihokan naghinaut nga mahiusa ug madasig ang tanan sa panaghigalaay pinaagi sa sports activities.
Sa tibuok bulan sa Hunyo, gitakdang adunay mga serye sa mga sports events nga ipahigayon. Gawas sa sports events, daghan usab mga kalingawan nga atangan sa tanan.
Ang Davao Oriental Games gidumala sa Provincial Sports Council nga gipangulohan ni Provincial Executive Sports Director Engr. Ging Rodriguez kauban ang Provincial Sports and Youth Development.
via// DMA
