Nagpahibalo ngadto sa publiko ang DENR-EMB XI nga hugot matud pa nilang ginamonitor ang kalidad sa hangin sa Davao Region pinaagi sa air quality monitoring stations.
Subay sa monitoring sa naasoy nga buhatan, ang Air Quality Index (AQI) sa ground level sulod sa 24 ka oras, anaa sa 3 kon ‘good’ ang kalidad sa hangin sa dakbayan.
Apan, duna matud pay puruhan nga musaka gamay ang 24-hour Sulfur Dioxide AQI sugod ganinang alas 8 sa buntag, apan gipaniguro sa sa DENR nga magpabiling anaa sa minimum level ang AQI rason nga nagpabilin kining anaa sa ‘good level’.
Gipahigayon ang maong lakang gumikan duna matud pay nagkatag karon sa social media nga dunay dakong bahin sa Sulfur Dioxide kon SO2 ang miagi sa Davao Region nga mamahimong makaapekto sa ground level air quality sa rehiyon.
Subay sa evaluation, ang kalidad sa hangin sa Davao Region naapektuhan gamay ug giganti sab sa DENR nga magpadayon ang ilang monitoring ug kanunay kining ipahibalo sa publiko.
