DAVAO CITY – Nahimong tataw ang kahawan sa mga dalan sa may Bankerohan ning dakbayan gumikan sa malampusong pagpatuman sa Davao City Transport and Traffic Management Office kon CTTMO, Ancillary Services Unit kon ASU ug City Economic Enterprise sa 1/3, 2/3 Policy sa Bankerohan Public Market.
Sumala pa ni CTTMO Head Dionisio Abude nga mas mahapsay na ang merkado ug hingpit nang masulbad ang nakitang problema sa trapiko sa maong bahin sa dakbayan gumikan sa maong lakang alang sa mga motorista, mamaligaay ug mamalitay sa merkado diin gihatagan og 1/3 sa sidewalk ang mga vendors ug 2/3 usab alang sa mga konsumante.
Dugang pa ni Abude nga lakip sa ilang paningkamot ang pagbutang og mga personahe sa area aron nga dili na mubalik sa pagplastar sa laray ang mga market vendor.
Kahinumduman nga naglusad og clearing operation niadtung nakalabayng adlaw ug hingpit nga gipatuman niadtong nakalabyng adlaw Hunyo 1, 2024 kon asa gipamaklas ug gipanaanggal ang ang mga nahabiling illegal structures o vendors nga mulapas sa regulation sa sidewalk nga gipangunahan sa CTTMO, ASU, City Economic Enterprise, CEO ug uban pang ahensiya sa City Government of Davao.
Sa laing bahin, gikanayon sa head sa Ancillary Services Unit kon ASU nga si Paul Bermejo nga anaa sa 400 ka mga ambulant vendors sa Bankerohan partikular na sa Marfori ug Datu Bago ang gipangplastar na sa mga assigned areas partikular na sa Rasay St.
Walay hunong sab ang mga operasyon sa pagpahawan sa mga nag-ali nga mga ambulant vendors sa mga kadalanan sa Bankerohan alang sa hapsay nga dagan sa trapiko.
