DAVAO CITY- Gikumpirma sa Department of Public Works and Highways 11 (DPWH 11), nga ang twin tunnels sa Davao City Bypass Construction Project (DCBCP) ang gilauman nga makompleto karong bulan sa Septyembre.
Sumala ni Dean Ortiz ang tigpamaba sa DPWH 11 nga anaa na sa 300 metros na lamang ang gikinhanglan nga kabkabon sa duha ka mga bahin sa tunnel aron nga hingpit na kining mahuman sa Septyembre ug makompleto ang gitas-on nga 4.6 kilometers.
Nasayran nga ang maong proyekto ang gibahin sa unom ka contract packages nga gilangkuban sa tulo ka pares sa tulay, 12 ka ka box culverts kon agi-anan ug tubig, upat ka mga intersections, duha ka mga underpass, duha ka overpass ug lakip na ang duha ka tunnels. Sa kinatibuk-an ang DPWH ang anaa na sa kapin 49 porsyento nga mga trabaho ang natapos karong panahuna.
Alang sa package 1 nga trabaho nga karsada sa north portal-northbound nga adunay kinatibuk-an nga 1,888 meters kon 84.29 percent ng natapos, samtang sa southbound adunay kinatibuk-an nga gitas-on ngadto sa 1,716 meters kon 76.30% .
Kini nga bypass road nga proyekto ang nanukad sa Barangay Sirawan, Toril, ning dakbayan sa Davao hangtod sa Brgy. J.P Laurel, Panabo City, Davao Del Norte nga adunay gitas-on nga 45.5-kilometers. Dakong tabang sumala pa kini sa pagbayhe gumikan ang kasagaran nga pagbyahe nga moagi sa sa Maharlika Highway ang molungtad pa ug usa ka oras ug kwarentay kuatro minutos apan sa bypass nga kasamtangang gitrabaho mamahimo na sumala pa nga mokunhod ngadto sa 49 minutos.
Gilauman nga kini nga proyekto ang makapalambo sa pagpadali sa pagbyahe sa kagamento ug dakong tabang sab sumala pa kini nga makunhuran ang kadaghan sa mga sakyanan nga mobyahe sa syudad sa Davao ug gumikan niini dakong tabang sab kini sa paglambo sa ekonomiya sa syudad ug sa ubang bahin sa rehiyon.
