DAVAO CITY- Mipasaka na ug quo warranto petition si Mabel Sunga-Acosta, ang gitanggal nga Chairperson sa Mindanao Development Authority (MinDA) sa Regional Trial Court sa Ecoland ning dakbayan sa Davao.
Atol sa gipahigayon nga press conference subling gibarugan ni Acosta nga dili niini bakantihon ang position isip MinDA Chair ug ang pagpuli kaniya ang makatarunganon gumikan ang iyahang termino hangtod sa unom ka tuig pinaagi sa pagtuboy kaniya ni kanhing Pang. Rodrigo R. Duterte niadtong Enero 13, 2022.
Una ng nanumpa niadtong Mayo 21 si Magno human nga gituboy ni Pang. Marcos Jr. niadtong Marso trese. Ang quo warranto nga gipasaka ni Acosta ug saktong legal remedy aron nga matumbok ang katungod isip usa ka personalidad nga adunay gihuptan nga katungdaan o dili kaha magtumbok sab kini kung angayan pa kining pahawaon sa iyahang katungdanon.
Giangkon ni Acosta nga sa pagkakaron adunay duha ka mga secretaries tungod ang maong paosisyon dili pa bakante ug pabilin pa gihapon kining nagtrabaho. Gikanayon sab ni Acosta nga sa wala pa siya masayod sa pagtuboy kang Magno, gikumpirma niini nga gitawagan kini sa kauluhan sa miaging semana apan wala kini mibutyag kung unsay ilahang pagahisgutan sa telepono.
Samtang gikanayon sab sa nahisgutan nga sulod sa iyahang baynte ka tuig nga pagserbisyo sa gobyerno kining nahitabo kaniya usa sumala pa kini ka pagpangatake sa iyahang dignidad isip usa ka public servant. Gibati sumala pa niini ang kasakit ug pagpanglupig.
Giklaro sab ni Acosta nga walay nakita kining problema sa gahom ni Pang. Marcos aron nga mopili ug opisyal apan gibarugan niini nga aduna siya’y fixed term isip chairperson sa MinDA ug matanggal lamang kini kung adunay bug-at nga rason ilawom sa Republic Act 9996, nga kining balaura mao ang nagmugna sa maong ahensya.
