DAVAO CITY – “Direct attack sa diginidad isip usa ka individual ug isip usa ka public officials.”
Mao kini ang giluwatang pamahayag ni MinDa Chief Maria Belen Acosta atol sa presscon kabahin sa pagtangtang kaniya ni Pangulong Ferdinand Marcos Jr isip chairperson sa Mindanao Development Authority.
Sumala pa ni Sec. Acosta nakurat og nasakitan kini sa gibuhat ni PBBM nga another appointment sa samang position nga kasamtangang iyahang ginahuptan.
Dugang pa ni Acosta nga nakalatid gayud sa RA 9996 kon Mindanao Development Authority Act of 2010, section 7 nga nakabutang nga ang chairperson kinahanglan molingkod og 6 ka tuig gikan sa petsa sa iyang appointment gawas kung gibawi kini tungod sa usa ka hinungdan.
Giklaro usab sa maong opisyal nga wala kini pending nga civil, administrative o criminal case ug wala sab kini nadawat nga memo gikan sa Malakanyang kabahin sa misconduct.
Dugang pa sa nahisgutan nga wala kini nadawatan nga formal communication gikan sa Palasyo una pa man ang pagtuboy sa bag-ong administrator nga si Leo Tereso Magno.
Nanghinaot si Acosta nga maadto sa maayong kamot ang maong kaso nga dunay lawon nga pasabot sa balaod, ug dunay kasingkasing ug malasakit alang sa mga public servant sama niya.
Nanghinaot usab kini nga dili mawalaan og gahom ang existing nga mga balaod sama sa nakalatid sa RA 9996 nga klaro kaayong mandato sa ahensya kabahin sa Chairperson’s term.
Samtang nagpahigayon og presscon si Acosta, anaa usab ang presensya sa bagong appointed nga MinDA Chief secretary Leo Magno diin nakig meeting kini sa nagkadaiyang head of offices.
Sumala pa sa bagong gituboy nga opisyal nga nalipay kini gumikan naga function gihapon ang staff sa MinDA luyo paman sa “power struggle” nga kasamtangang nasinati sa buhatan.
Gibutyag usab niini nga gisulayan niini og reach out si Acosta kabahin sa maong issue. Dugang pa usab sa bagong gituboy nga chairperson nga daghan kini og plano alang sa MinDA.
Usa na niini nga angay nga tutukan ang pag implement sa tanang mga proyekto nga nakalatag.
Pormal na nga molingkod isip bagong chairperson sa Mindanao development authority si Sec. Leo Magno karong Mayo 27.
