DAVAO CITY- Usa ang dakbayan sa Davao sa nalakip sa siyam ka mga syudad gikan sa nasud Pilipinas nga nasulod sa top 1,000 nga largest urban economies sa tibuok kalibutan kana sumala pa sa taho gikan sa Oxford Economics Global Cities Index 2024.
Matud pa nga sa over-all ranking, nakuha sa Manila ang ika 256 nga placement globally, ang Cebu ang anaa sa ika 436, Cagayan de oro ang anaa sa ika-487 samtang ang Davao City ang anaa sa ika 500 nga pwesto.
Sumala sa migulang datos nga strength sa Dakbayan sa Davao ang kategorya sa environment samtang main weakness niini ang human capital category.
Nakasulod usab ang uban pa nga syudad susama na lamang sa Angeles City nga anaa a ika 502, Bacolod City nga anaa sa ika 538 nga pwesto, Dagupan City sa ika 604, Zamboanga nga anaa sa ika 695 ug ang General Santos City nga ana sa ika 723 ga pwesto.
Matud pa sa Oxford Econimics nga gibasehan nila ang maong rankings sa lima ka kategorya nga mao ang economics, human capital, quality of life, environment ug governance. Nag-una gayud ang New York City sa maong listahan sa 2024 Global Cities Index diin gisundan kini sa syudad sa London, San Jose, Tokyo ug Paris.
