DAVAO CITY – Nag-awhag ang Office of the Civil Defense 11 ngadto sa katawhan nga musalmot sa 1st Quarter National Simultaneous Earthquake Drill karong Marso 25 agig pagpabansay ug pagpahanas sa pagpangandam sa rehiyon panahon sa pag-tay og sa makusog nga linog.
Sumala sa OCD 11 Regional Director nga si Ednar Dayanghirang, sagad maapektuhan sa matag linog nga muigo sa rehiyon ang mga estudyante.
Busa, tumong niining drill ang disasaster preparedness ug epektibong implementasyon sa incident command system sa mga tulunghaan.
Dinhi sa Davao Region, manguna sa maong drill ang Rizal Memorial Colleges sa Davao City.
Hingpit sab ang pakig-alayon sa OCD 11 ngadto sa 44 ka mga national agencies sama sa DEPED ug CHED ingon man 54 ka mga LGUs sa tibuok rehiyon alang sa unang hugna sa Earthquake Drill karong tuiga diin ipahigayon ang daghanang mga evacuation scenarios.
Gawas niana, gipapaandam sab sa buhatan ang lokal nga panggamhanan nga makig-alayon alang sa pagtubag sa mga suliran sa kaluwasan ilabi na sa mga komunidad nga sagad maigo niini pinaagi sa pagpakigsayod ug pagpahibalo sa mga katawhan sa mga angayng himuon panahon sa kalamidad.
via || Bombo LJF
