-- ADVERTISEMENT --
DAVAO CITY – Gisita ni Davao City Mayor Sebastian Duterte ang Department of Public Works and Highways kon DPWH ingon man mga contractors sa mga road projects gumikan sa gikatahong pagbakbak sa mga kalsada nga anaa sa maayong kundisyon ug pagbiya sa mga proyektong wala pa gihapon nahuman.
Nanawagan ang mayor nga makig-alayon sa City Transport and Traffic Management Board aron pagseguro sa gikinahanglang mga permit sa dili pa magpahigayon og bisan unsang aktibidad nga makadaut sa kahimtang sa dalan sa dakbayan.
Sumala pa ni Duterte nga kining aksyon sa DPWH ang nakahatag og kahasol ug naghatag ug risgo sa kaluwasan sa publiko.
Nanghinaot sab ang mayor sa paghimo og katugbang nga aksyon sa maong panawagan.
