DAVAO CITY – Nahimong malinawon ang gihimong lihok protesta atol sa paghinumdum sa ika-38 nga tuig sa EDSA People Power Revolution sa may Freedom Park, Roxas Bouleverd, Davao City.
Atol sa maong protesta nga giorganisa sa Bayan SMR, KMU, Anakbayan, Anakpawis, ug Gabriela, anaa sa 60 ka mga tigprotesta ang nisalmot nga dungang nagpasibaw sa ilang mga agulo ug reklamo ngadto sa kasamtangang administrasyon.
Hugtanong gipanawagan sa mga progresibong grupo ang kamahinungdanon sa paghandum sa People Power sa panahon sa pagpangatundanan nila Pangulong Ferdinand Marcos Jr. ug Vice President Sara Duterte.
Gihatagan usab og gibug-aton ang panawagan sa katawhan alang sa panginabuhian, yuta, katungod, ug kagawasan samtang ang kampo ni Marcos nagduso sa charter change aron molambo, sa ingon, liberalisasyon sa langyaw nga dominasyon sa nasud.
Gipasibaw sab sab mga militanteng grupo ang panaghiusa nga esensya sa People Power ilabi na sa kasamtangang hisgutanan sa Charter Change.
Nabalaka sab ang mga grupo alang sa posibilidad sa pagsal-ot sa politikanhong mga amendment sa charter sama sa pagpalugway sa termino sa mga piniling opisyal, nga makapasamot sa korapsyon sa gobyerno, makadaut sa serbisyong katilingbanon, ug makapasamot sa pag-abuso sa tawhanong katungod.
Gihagit sab sa mga progresibong grupo ang gobyerno nga inay magtinugyanan sa mga sayop sa mga politiko, maayong iprayoridad ang pro-poor nga socio-economic nga reporma ug dili ang charter change.
Sumala sa tigpamaba sa Davao City Police Office nga si PCapt. Hazel Tuazon, anaa sa 163 ka mga PNP Personnel ang gipakatag atol sa kalihukan, ug natapos sab kini nga malinawon.
via || Bombo LJF
