DAVAO CITY – Moabot kini sa 65,000 ka konsumidor sa Davao Light and Power Company Inc. ang kwalipikado alang sa lifeline rate subsidy ubos sa Republic Act 11552 Act Extending and Enhancing the Implementation of the Lifeline Rate ilawom sa paglugway sa Republic Act No. 9136, kon Electric Power Industry Reform Act of 2001.
Gikanayon sa kumpanya nga ang nasangpit nga gidaghanon gikan sa 475,000 ka mga kustomer nga mi-apply sugod Mayo 2, 2023 gikan sa franchise area niini sa Davao City ug pipila ka bahin sa Davao del Norte.
Mas gipalapdan pa niini ang sakup sa lifeline subsidy diin nalakip na ang mga benepisyaryo sa Pantawid Pamilyang Pilipino Program kon 4Ps.
Gidugang niini nga kinahanglan usab nga mag-aplay pag-usab sa ilang opisina ang kasamtangang mga tiggamit sa lifeline isip kabahin sa bag-ong guidelines.
Katuyoan sa maong balaod nga mahatagan og diskwento ang mga marginalized o ubos ang kita nga mga kustomer nga mokonsumo lang og 100 kilo Watt matag oras o ubos pa.
Kini base sa subsidy discount level nga gitakda sa Energy Regulatory Commission (ERC). Sa pikas bahin, gikabutyag ni Margie Cabido, Pantawid Program Division Chief sa DSWD Davao, nga gawas sa Davao Light, nakigkoordinar sab ang buhatan sa ubang mga power companies sa rehiyon aron maabot ang lagpas 250,000 ka mga pamilya nga target sa mga pamilyang mahilakip sa lifeline rate subsidy. .
Muagi una ang mga aplikante sa makuting proseso aron hingpit nang mahatag kanila ang gikahinamag diskwento sa balayrunon sa kuryente.
