DAVAO CITY – Gikanayon ni Agnes Roble, Senior Agriculturist sa Department of Agriculture nga ang “sufficiency level” sa bugas sa dakbayan anaa lamang sa 54 porsyento.
Matud pa ni Roble nga adunay target sa volume of production sa rehiyon sa Davao. Gani, aduna suab targetted volume sa harvest sa tibuok rehiyon ug itandi kadaghanon sa katawhan sa rehion sa Davao, kuwang gayod matud pa ang target sa produksyon sa bugas.
Sumala sa datos, ning tuiga anaa sa 457,583 metric tons ang produksyon sa bugas sa rehiyon sa Davao, samtang ang populasyon sa Davao region miabot na sa 3.57-M sukad buwan sa Enero ning tuig kasamtangan.
Kon mamahimong basehan ang per capita consumption sa mga tawo base sa datos sa Philippine Statistics Authority, mukunsomo og 133 kg ang usa ka tawo kada tuig.
Samtang, hisgutanang presyo sa bugas, aduna kitay local nga klase sa bugas nga barato apan namatikdan gayod sa merkado nga adunay pag-usbaw sa presyo gikan Agosto 1 tandi Agosto 7 ning tuiga diin subay sa SRP, ang Premium Milled nga bugas mapalit sa tag 45 pesos ang kilo apan kaniadtong lunes lamang, misaka ngadto sa 3 pesos ang kada kilo niini.
Ang well milled nga bugas gikan 43.50 pesos nga kada kilo, mapalit na kini sa tag 47 pesos ang kilo, samtang ang regular milled rice, gikan 40 pesos, misaka ang presyo og 5 pesos kada kilo. Gitataw ni Roble nga tungod sa law of supply and demand, lauman gayod ang pagsaka sa presyo sa bugas.
