DAVAO CITY – Gibutyag ni Comission on Population Development – CPD XI Regional Director Ma. Linadores Delicana nga ang pagbabad sa social media ug ang pagdani sa barkada kon “peer pressure” ang ginatudlong mga hinungdan sa ilabihang pagsaka sa mga kaso sa teenage pregnancies sa rehiyon.
Subay sa datos sa buhatan, 5% sa edad nga 15 anyos hangtud 19 anyos ang nagbaton og teen age pregnancies sa Pilipinas, diin natala ang 8% ang Davao region nakatala og 8%.
Tungod niini, gipakusgan na sa ahensya ang ilang kampanya aron mapamubsan ang ihap sa sayong pagmabdos. Ilawom sa gipirmahan nga EO 71 kon “Renaming the Commission on Population”, ang CPD, usa ka link agencies sa pagpalambo sa mga estratehiya alang sa integrated population aron nga mutaas ang shares ug mga oportunidad sa mga Pilipino.
Tumong sab sa ilang buhatan nga mumugna og mga programa nga makahatag og eksakto nga kasayuran aron marpotektahan sa usa ka babaye ang iyang kaugalingon batok teen-age pregnancy.
Gipasabot ni Delicana nga ilawom sa EO 141, dili lang ang CPD ang dunay katuyoan sa pagmugna og mga interbensyon aron matubag ang problema sa teen age pregnancies sa nasud.
Gihingusgan usab sa opisyal nga kinahanglan usab nilang pagatutokan ang mga batang nag-edad og 10-14 anyos, tungod mga bata pa kini ug ilang namatikdan nga dunay mga batang babaye ang nanganak sa nasangpit nga age group.
Nagpadayon ang CPD sa pagpahigayon og mga information campaigns alang sa teenage pregnancy ngadto sa mga tulunghaan ug komunidad.
via || Bombo HJR & Bombo LJF
