DAVAO CITY – Gipangandaman na sa Department of Agriculture sa Davao Region ang mamahimong epekto sa bag-uhay nga gideklarang panahon sa El Niño diin naggahin ang ahensya og P1 bilyon ang kantidad niini alang sa pagpreparar ug estratehiya sa pagpaminus sa epekto niini.
Gikanayon ni DA-11 disaster risk reduction focal person Joedel Leliza, nagpunting ang maong badyet sa pag-maximize sa produksiyon sa mga non-vulnerable areas aron masiguro ang seguridad sa pagkaon.
Labing minos P26.4 milyones ang gigahin alang sa mga preparatory activities, samtang ang P971.3 milyones ang gigahin alang sa pagpa-maximize sa produksiyon sa non-vulnerable areas, ug P13.5 milyones alang sa saving production sa mga vulnerable areas.
Mamahimong idugang ang maong badyet pinaagi sa quick response fund sa DA national office ug National DRR Management fund.
Gitudlo sab sa DA-11 nga mamahimong labing apektado niini ang mga probinsya sa Davao del Sur, Davao City, ug pipila ka bahin sa Davao Oriental diin gihatagan na kini og tukmang interbensyon sa ahensya.
Ang El Niño Alert level gibalhin gikan sa kanhing advisory status tungod sa below-normal nga kondisyon sa Davao del Sur.
Gikinahanglan sab nga mosumiter og damage assessment report ang mga mag-uuma sa dili pa ipagawas ang budget alang sa rehab ug recovery plan.
via || Bombo LJF
