DAVAO CITY – Nagkanayon si Davao City Investment Promotion Center (DCIPC) Investor Assistance & Servicing Unit Head Christian Cambaya nga adunay mga positibong resulta ang ilahang gitambongan nga Tokyo Business Forum sa Japan gumikan nga adunay mga Japanese investors ang nangita og potential source sa abaca products sa Davao Region alang magamit isip materyal sa paghimo og fiberglass ug gikinahanglan usab sa paggama og high-end nga mga sakyanan.
Matud pa ni Cambaya nga mubisita ang mga nahisgutang investors sa Davao Region. Naglaom usab si Cambaya nga ma-awhag niya ang mga Japanese investors nga mubalhin ug magtukod og planta nga magproseso og abaka diri sa rehiyon.
Kung panananglitan nga makumbinsi ang mga nahisgotan, dako kini nga tabang sa ekonomiya sa Davao ilabina nga maghatag kini og employment opportunities sa mga Dabawenyo ug kita sa lungsod.
Dugang pa sa opisyal nga aduna nay girekomendar nga lugar ang Philippine Fiber Development Authority (PhilFIDA) alang sa matang sa plantasyon.
