DAVAO CITY – Nangayo og suporta si Davao del Norte First District Representative Pantaleon Alvarez gikan sa mga mambabalaod aron hingpit nang mapasar ang iyang gisugyot nga House Bill No. 6783 kon ang balaod nga magtugot sa decriminalization sa paggamit og marijuana ug ang paghatag og agianan alang sa legalization sa paggamit og medicinal marijuana.
Gikabutyag sa kongresista nga gibisita niya ang Bauertek Corporation, usa sa mga kumpanya sa nasud nga andam magmugna og mga produkto gikan sa kontorbersyal nga dahon, aron masilip ang proseso ug pasilidad sa pagmugna ug pagpatubo sa medical marijuana.
Una nang gipunting ni Alvarez nga wala pa’y namatay sa paggamit sa marijuana dili sama sa peligro sa alkohol, sigarilyo ug asukal sa kahimsog sa tawo.
Gikabutyag sab sa kongresista nga unta mahisusama sa nasud Thailand ang pagpasidaan sa legalization sa paggamit sa medical marijuana nga posibleng maawhag ang ubang turista nga mudayo alang sa tumong nga pagpanambal gamit ang maong dahon.
Nagtuo si Alvarez nga adunay katakus ang Pilipinas nga mag-develop ug kaugalingong tambal nga gama sa medical grade marijuana.
via || Bombo LJF
