DAVAO CITY – Nagmadaugon ang Dabawnong boksingero na si Nesthy Petecio nga makuha ang bulawang medalya sa women’s 57kg featherweight category batok sa pambato sa Indonesia nga si Ratna Sari Devi atol sa ilang panag-agbat kagahapon, Mayo 14, sa 32nd Southeast Asian Games sa Cambodia.
Nakuha ni Petecio ang maong medalya pinaagi sa unanimous decision batok kang Devi alang sa pagbawi gikan sa nakalabayng bronze medal finish ning nakalabayng tuig.
Kini na ang ikaduhang gold medal nga nakuha ni Petecio nga unang nakuha kaniadtong 2019 SEA Games nga gipahigayon sa Pilipinas.
Samtang ang iguson niyang si Norlan, nakuha ang silver medal sa men’s welterweight category human siya gipataob sa kalabang taga-Thailand nga si Bunjong Sinsiri.
Dagkong kalipay ang nasinati sa iyang pamilya sa Davao del Sur nga todo suporta sa iyang boxing career. Sumala pa sa iyang ginikanan nga sila Teodoro ug Prescilla ang kalampusan nga nakuha sa ilang mga anak nga boksidor ug representante sa nasud sa SEA Games.
Gipasalamatan sab sa ilang mga ginikanan ang kaluwasan sa ilang mga anak atol sa gipahigayong mga dula.
Sa katapusan, nagpadayag sa ilang pasalamat ang mga ginikanan sa magsuong Petecio sa gihatag nga suporta kanila.
via || Bombo LJF
