DAVAO CITY – Madelatar pag-usab ang implementasyon sa Davao City Bulk Water Supply Project taliwala sa naunang anunsyo sa Apo Agua Infrastractura nga magsugod sa water distribution ang maong proyekto karong Hunyo ning tuiga.
Gikadismaya kini ni Councilor Louie John Bonguyan dihang gipasalig sa Apo Agua nga mamahimong fully operational ang maong proyekto karong Setyembre.
Sumala pa sa konsehal nga ikapila na nagsaad ang kumpanya mahitungod sa starting dates sa maong proyekto nga kasagarang gina-postpone gumikan sa daghang rason, lakip na ang pagsugod unta sa distribution sa tubig sa Tugbok area nga dungang nadilatar sab sa nakalabayng bulan.
Dugang pa nga gipasalig hinuon sa Apo Agua nga karong Setyembre ning tuiga na ang pinakaulahing timeline nga magsugod sa paghatag og tubig sa tibuok dakbayan ang maong proyekto.
Matud pa nga igong panahon na kini aron sa paghan-ay sa kakuiliang teknikal ug uban pang ayuhunon.
Dugang pa sa konsehal, posibleng magpatuman og mga legal nga lakang ang Davao City Council batok sa Apo Agua kon ugaling dili matuman ang gihatag nilang palugit aron mamahimong fully operational ang maong proyekto.
via || Bombo LJF
