DAVAO CITY – Nagpasaka na ang IATF og Alert Level 2 sa upat ka probinsya sa Davao Region tungod sa gikatahong pagsaka sa mga kaso sa COVID 19.
Base sa gipagawas nga IATF Resolution 6-C, sugod April 15 hangtod 28, gipailawum sa Alert Level 2 ang Davao de Oro, Davao del Norte, Davao del Sur ug Davao Occidental ug laing 22 pa ka mga lugar sa nasud.
Ilawum sa Alert Level 2, ipatuman ang 50% nga kapasidad sa mga indoor establishments alang sa mga fully vaccinated samtang 70% sab sa outdoor spaces.
Samtang, magpabilin sab sa pinakaluag nga Alert Level 1 diin ipatuman gihapon ang luag nga COVID19 restrictions sa Davao City, Davao Oriental, Mawab, Montevista, New Bataan ug Nabunturan sa Davao de Oro, Braulio E. Dujali, Island Garden City of Samal ug Santo Tomas sa Davao del Norte, Padada sa Davao del Sur, ug Don Marcelino, Malita ug Sta. Maria sa Davao Occidental.
Kahinumdumang gikatala sa DOH ang 299 ka mga bag-ong kaso sa COVID 19 dinhi sa Davao Region kaniadtong Abril 10-16 ning tuiga.
Makanunayon gihapon ang pagpahinumdum sa katawhan nga batasanon ang minimum public health standards, sama sa pagsul-ob og face mask, mag-disinfect, ug magpabakuna kon magpabooster kontra COVID.
via || Bombo LJF
