DAVAO CITY – Nakamugna og pamaagi ang mga tigpanuki-duki sa University of the Philippines Mindanao og usa ka bag-ong sumbanan aron masayran ang kahinog sa durian sa hinaling panahon.
Mao ang ginatawag nilang Project A.I. Durian, usa ka Non-Invasive Grading System alang sa durian nga nagagamit og Artificial Intelligence kon AI Technology nga gilaumang mutubag sa mga suliran sa sakto ug sistematikong pagklasipika sa bunga sa durian depende sa kahinog, kalidad, ug klase niini.
Sumala pa, gumikan sa pagbaton og taas nga Durian production sa Davao City hangtod 80%, adunay namatikdang pagkawala sa ani sa maong prutas gumikan sa kakabus sa mga pasilidad, dili saktong pagbahin-bahin gumikan sa mano-manong inspeksyon, ug ubos nga manpower.
Sa maong teknolohiya, makahatag kini og maayong resulta kon itandi sa tradisyonal nga pag-harvest sa durian.
Gipasailawom ang maong proyekto sa Science for Change Program sa Department of Science and Technology kon DOST.
via || Bombo LJF
