DAVAO CITY – Gipapaigmat sa DOST-PAGASA Davao ang tanang mga Dabawenyo tungod sa ilabihang init nga panahon.
Subay pa sa monitoring sa ahensya, masinatian ang init nga panahon sa buntag ngadto sa hapon, ug ang katag-katag nga pagpanalugdug kilat pagkagabii.
Busa, nag-abiso na kini sa publiko nga mag-amping sa panahon ug ang paggamit sa tubig.
Gikanayon ni DOST Pagasa Davao chief meteorologist Engr. Lita Vinalay, ubay-ubay na sab ang nataptan og mga sakit-sakit sama sa hubak, sip-on ug hilanat, gumikan sa pabag-o-bag-ong panahon.
Dugang pa nga lauman ang epekto sa El Niño nga magsugod karong mga bulan sa Hunyo ug Hulyo, ug posibleng mulungtad og usa ka tuig.
Sagad nga makaapekto sab ang ilabihang huwaw sa agrikultura tungod sa pagkuyanap sa mga peste sa umahan ug ubos nga irigasyon.
Nagpahimangno sab ang PAGASA sa mga sakit nga posibleng makuha gumikan sa ting-init sama sa malaria ug dengue.
Awhag pa sa publiko, batasanon ang pag-inom ang tubig aron mabatukan ang dehydration ug heat stress.
via || Bombo LJF
