DAVAO CITY – Nadiskaril ang sakyanan sa PDRRMO Davao de Oro bandang alas-2 sa hapon sa Purok Manghiusa, Sitio Tandik, Brgy. Panoraon, Maragusan, Davao de Oro.
Sumala sa report sa PDRRMO sa probinsya, sakay sa maong sakyanan ang mga personahe sa lokal nga kagamhanan sa probinsya nga naghatud og mga hinabang alang sa mga biktima sa linog kaniadtong Marso 7.
Sumala sa driver, gisubay nila ang gagmayng dalan apan kalit nga natipak ang yuta sa kilid nga bahin ug mao nahulog kini sa pang-pang.
Nakaangkon og bun-og ang mga sakay niini nga hinaling gihatod sa Davao de Oro Provincial Hospital Maragusan aron magpaalim.
Gilayong nagpadala ang LGU Maragusan ug sakyanan aron kargahan sa mga relief goods, apan gikataho sab kini nga nawad-an og control ug menor maong naaksidente sa kilid sa dalan.
Nakaangkon lamang og samad sa tuhod ang drayber nga gihatud sab sa susamang ospital.
via || Bombo LJF
